قصيدة للشاعر عثمان بحور (سفهاء الكاركاتورات)

بسم الله الرحمن الرحيم




سفهاء الكاريكاتورات
مش مطلوب أي اعتذارات
من سُفهاء الكاريكاتورات
ولامطلوب حرق السفارات
ولا مطلوب قطع العلاقات
المطلوب إعادة حسابات
بعد ما راح زمن الغزوات
المطلوب نجمع فى صفوفنا
لأجل نواجه الخرافات
ونثَقَّفهُم ونعلمهُم
عِلْم رسول رب السماوات
ونبصرهم ونوَّرهُم
ونخرَّجهم م الظُلُمَات
ونورِّيهم وِنْفرَّجهم
رُوح وحدتنا فى الأزمات
ونعرفهم إننا أُمَّه
ما بتقبلش بالحماقات
رغم الكُترَة عندنا رحمه
ما بنبدأش بالعداوات
أصل القوه مش بالمدفع
ولا بقنابل ولا طلقات
وان الموت فى سبيل المَوْلَى
أرحم واوْلَى م الإهانات
وان محمد عندنا أغلى
و انبل و اسمَى م الثروات